Eg har spelt dette to gonger for lenge sidan. Tematisk, skapar det god atmosfære. Du føler verkeleg du er på ei aude øy medan alt gjer alt for at du skal ha det mest mogleg miserabelt, der du etter eit par rundar ser at det er ingen håp. Eg har berre spelt det første scenarioet begge gongane, og blitt knust begge gongane. Reglane var ikkje heilt tydelege, men me improviserte litt utan at folk klaga (sidan det er eit samarbeidsspel av slag og me kollektivt kom fram til tolkingar). Men det var framleis heilt håplaust. Eg trur om nokon hadde skrive reglane om heilt på ny, kunne det blitt eit langt betre spel. Det hadde nok gått greitt å bruke komponentane som er i eska, men tenkt litt nytt om ein del ting, i staden for å tweeke/tolke det som finnes. For eg likar atmosfæriske spel, sjølv om dei er vanskelege (me har nokre av dei), og ein oppdatert versjon av Robinson Crusoe med reelle håp om å klare ting med smarte val og litt flaks, hadde vore kjekt.