Eg tok lærdom frå førre spelerunde og prøvde å endre litt på måten eg spelte denne gongen. Målet mitt var å unngå å bli president i eit selskap, slik at eg i utgangspunktet hadde minst mogleg å gjere i corporate-rundane. I staden kunne eg fokusere på selskapa eg hadde investert i, og påverke (eller plage) dei som faktisk tok avgjerdene. Den delen koste eg meg overraskande mykje med.
Etter kvart skjedde likevel omtrent det same som sist, og omtrent på same tidspunkt. Spelet gjekk frå ein spennande og kaotisk stock round til ein corporate round som for meg blei langt mindre engasjerande. Det var eigentleg litt synd, for eg hadde storkost meg heilt fram til det punktet.
Eg er glad for at eg gav spelet ein ny sjanse, for no kan eg med ganske stor sikkerheit slå fast at dette ikkje er eit spel for meg. Samtidig var det verdt forsøket, sidan eg no veit at det ikkje berre handla om ein dårleg førsteoppleving.
Når det er sagt, er eg absolutt open for å prøve andre 18xx-spel for å sjå om eg får den same kjensla der, eller om det er noko ved akkurat dette spelet som ikkje treff meg.
Som Sten Ole nemner, trur eg også at eit tycoon-spel med korrupsjon, maktspel og aksjehandel kunne vore veldig spennande å utforske vidare. Det er mykje av det grunnlaget her som eg synest er interessant, det var berre ikkje heilt slik det utvikla seg for min del.